7 daga gönguferð um Borgarfjörð eystri og nágrenni.
Hér er um að ræða eitt af bestu göngusvæðum á Íslandi þar sem litfögur og tignarleg fjöll, fjölbreytt flóra og dýralíf auk sögu liðinna tíma heillar þá sem um svæðið fara. Á leiðinni má einnig finna fjölda staða þar sem álfar og þjóðtrú koma við sögu og eru alls skráðar um 175 þjóðsögur og sagnir frá svæðinu. Þá er svæðið vel skipulagt, með fjölda stikaðra gönguleiða, góðri gistingu við allra hæfi sem ásamt góðri leiðsögn staðkunnugra og fullu fæði úr fersku hráefni svæðisins gerir ferðina að lúxusgönguferð sem lofuð er af þeim er reynt hafa. Ferðin er frekar auðveld í göngu og hentar öllum sem eru heilsuhraustir en gott er að ganga reglulega vikurnar áður en komið er í ferðina til að auka vellíðan og ánægju í ferðinni. Í ferðinni er reiknað með þægilegum gönguhraða frá 2.5-4 km á klst. Allt þó miðað við landslag, veður og ástand göngufólks hverju sinni. Nánar um göngu hvers dags má sjá í dagsskipulagi hér að neðan. Verð: Gisting í tveggja manna herbergi án baðs með uppábúnum rúmum *, fullt fæði, leiðsögn og ferðir frá og til Egilsstaða: kr. 89.800- Gisting í svefnpokaplássi í 4-6 manna herbergjum*, fullt fæði, leiðsögn og ferðir frá og til Egilsstaða. kr. 75.700- Gisting í tjöldum, fullt fæði, leiðsögn og ferðir frá og til Egilsstaða. kr. 64.900- Dagur 1 Sunnudagur
Komið til Egilsstaða, ekið á Borgarfjörð þar sem gist verður næstu 5 nætur á sama stað. Dagur 2 mánudagur Unaós – Stapavík – Njarðvík
(Fremur létt ganga, um 11 km löng leið. Hækkun um 400 m. ) Staðgóður morgunverður í Veitingasölunni Fjarðarborg áður en ekið er með viðkomu í Ytra Hvanngili, að Unaósi, landnámsbæ Una danska. Þar er lagt upp í létta göngu meðfram Selfljóti út að Höfða sem var forn verslunarstaður fyrir Fljótsdalshérað og þá í Stapavík þar sem uppskipun var langt fram á síðustu öld við all sérstæðar aðstæður. Úr Stapavík er gengin forn póstleið um Gönguskörð til Njarðvíkur þar sem gangan endar hjá Þorragarði, um 1000 ára túngarði sem greinilega má sjá í túnfætinum í Njarðvík. Ekið áleiðis til Borgarfjarðar þar sem slakað er á fyrir ljúfengan kvöldverð í Fjarðarborg. Dagur 3 þriðjudagur Brúnavík Nokkuð létt ganga um gróna slóða. Gengið um 13 km., hækkun um 700 m. Við hefjum daginn við Hafnarhólma í umhverfisvottaðri bláfánahöfn, lífæð Borgarfjarðar með fjölbreytt fuglalíf þar sem lundinn er í fararbroddi. Eftir heimsókn í lundabyggðina er haldið áleiðis upp Hafnarfjall áleiðis til Brúnavíkurskarðs sem er hin forna leið til Brúnavíkur næstu víkur sunnan Borgarfjarðar. Þegar niður í víkina er komið er áð í gömlum húsarústum og þá gengið niður á Brúnavíkursand þar sem líparítklettar mynda stórfenglega umgjörð um svarta sandfjöruna. Tilvalið að tipla berfætt í flæðamálinu og leyfa sjónum að kæla tærnar á heitum degi. Gengið til baka inn Brúnavík og þá um Hofstrandarskarð til Borgarfjarðar þar sem komið er niður með Helgárgili sem er litríkt líparíkgil á leiðinni niður að Hofstrandarsandi. Í Veitingasölunni Fjarðarborg bíður ljúfengt lambalæri frá Austurlambi sérvalið fyrir svanga ferðalanga sem vilja njóta matar síns. Dagur 4 miðvikudagur Breiðavík Auðveld ganga um kindagötur og jeppaslóða um 15 km hækkun um 400m. Ekið inn í afrétt á móts við Urðarhóla þar sem gengið er meðfram Urðarhólavatni og Gæsavötnum um Víknaheiði til Breiðuvíkur, litfagurri og heillandi eyðivík. Fagrir lækir og fossar á leið til Breiðuvíkur þar sem snæddur er hádegisverður í skála FFF , slakað á og rölt um í nágrenni skálans. Haldið heim á leið um Gagnheiði þar sem útsýnisskífa er staðsett með góðu útsýni yfir Borgarfjörð, þá um Þrándarhrygg og undir Svartfelli til Borgarfjarðar þar sem bíður ljúfengur kvöldverður. Dagur 5 fimmtudagur Borgarfjörður (Gengið um óstikaðar slóðir fremur létt um 12 km hækkun um 400 m. Gengið að Jökulsá og þaðan upp Lobbuhraun áleiðis í Dimmadal og Jökuldal undir Dyrfjöllum. Í Dimmadal er jökull og einnig hrikalegt landslag með tignarlegum fjallstindum og klettum. Þegar komið er á Borgarfjörð er gengið um þorpið og Álfadrotting Íslands heimsótt í Álfaborg, komið við í steiniðjunni Álfasteini, ásamt því sem Lindarbakki aldraður torfbær sem um leið er eitt fegursta hús landsins verður skoðaður. Dagur 6 föstudagur Húsavík. Fremur létt gönguleið en um 16 km. Hækkun um 400 m. Ekið inn að Desjarmýri þar sem lagt verður upp og gengið inn með Staðarfjalli og þá Geirishólum og Þverá inn í afrétt. Þar sem gengið verður um Skúmhattardal yfir til Húsavíkur og í skála Ferðafélags Fljótsdalshéraðs sem gist verður í um nóttina. Dagur 7 Laugardagur Loðmundarfjörður Fremur erfið ganga yfir skörðin en létt á undirlendinu báðu megin um 14 km hækkun 700 m. A rather difficult hike through Kækjuskörð pass 772 m but easy walking on both ends.. 14 km Traverses 800 m of elevation. Ferðalangar sóttir í Húsavíkurskála og ekið inn að Seljamýri þar sem lagt verður upp í göngu dagsins um hlaðið á Klyppstað og upp Hraundal áleiðis að Kækjuskörðum. Í Kækjuskörðum er ægifagurt útsýni um Austfirði og víðsýnt til allra átta. Gengið niður Kækjudalur að Þverárbrú þar sem ferðlöngum er ekið til Borgarfjarðar. Dagur 8 sunnudagur Stórurð (Nokkuð erfið yfirferðar en létt inn á milli um 16 km löng . Hækkun um 500 m) Eftir akstur upp í Vatnsskarð er gengið sem leið liggur um Geldingafjall með ægifögru útsýni yfir Héraðsflóa, Fljótsdalshérað og inn til Snæfells og Vatnajökuls, þaðan undir Súlum þar til opnast útsýni yfir Stórurð. Gengið er niður í Stórurð sem erfitt er að lýsa með orðum svo stórfengleg er náttúrufegurð hennar. Það er ekkert launungarmál að þarna er á ferðinni eitt best varðveitta leyndarmál náttúru Íslands. Úr Stórurð er síðan venjulega gengið undir Dyrfjöllum til Borgarfjarðar þar sem tröllvaxtnir hamrar Dyrfjallanna varða leiðina en einnig er möguleiki að ganga styttri leið undir Rjúpnafelli áleiðis að veginum uppfrá Unaósi til Vatnsskarðs. Ferðaáætlun getur breyst á milli daga vegna veðurfars eða annarra ytri aðstæðna sem ekki verður ráðið við. Gönguleið um Borgafjörð eystir - Ferð tvö. Hálendi, fegurð, kraftur og víðáttur 7 daga útivistar og skoðunarferð um víðáttur og helstu djásnir norðausturlands
Dagur 1 Mánudagur (Ganga um 5 tímar, akstur um 4 tímar ) (hækkun um 1000m ef gengið er á Snæfell.) Ekið frá Borgarfirði árla morguns áleiðis til Snæfells og gengið á fjallið ef veður leyfir en annars verður gengið að Hengifossi í Fljótsdal og þá um Þurðiðarstaðadal áleiðis til Aðalbóls. Aðalsögusvið Hrafnkels sögu Freysgoða. Gisting og kvöldverður að Aðalbóli. Dagur 2 þriðjudagur Askja
(Ganga um 4 tímar og akstur um 6 tímar) Ekið árla morguns inn á hálendið um Brúaröræfi inn að Öskju þar sem gengið verður að Öskjuvatni og Víti og þá Drekagil skoðað á leið í Herðubreiðalindir. Ekið áleiðis eftir jeppaslóða í gistingu okkar á Hálendinu í Möðrudal eða Grímstungu sem verður gisting okkar næstu 3 nætur. Dagur 3 miðvikudagur Dettifoss, Hljóðaklettar, Ásbyrgi Ganga um 6 tímar og akstur um 4 tímar. Ekið sem leið liggur að Dettifossi vestan megin og gengið að þessum aflmesta fossi Evrópu. Þaðan er ekið niður með Jökulsá og gengið frá Hólmatungum í Hljóðakletta og þar áð og gengið um Hljóðakletta. Síðan ekið í Ásbyrgi og gengið um svæðið. Í lok dags er ekið upp með Jökulsá austan megin þar sem fleiri fossar verða skoðaðir. Dagur 4 Fimmtudagur Mývatn og nágrenni Ganga um 6 tímar, akstur um 3 tímar. Ekið snemma morguns áleiðis til Mývatns og byrjað að ganga við Leirhnjúk um 3 km. Hring um rjúkandi hraun og gíga. Þá er haldið að Námskarði þar sem gengin er hringur um bubblandi og rjúkandi hveri. Eftir hádegishressingu á Mývatni verður fuglalíf og umhverfi vatnsins skoðað og þá gengið á Hverfjall og þaðan til Jarðbaðanna við Mývatn sem er frábær staður til að enda góðan útivistardag. Ekið til baka inn á hálendið þar sem gist verður þessa lokanóttina. Dagur 5 föstudagur Sænautasel Skessugarður og nágrenni Ganga um 4 tímar, akstur um 3 tímar. Ekið um Möðrudalsöræfi þar sem gengið er frá veginum að Skessugarði og þaðan um auðnir hálendisins að Sænautaseli gömlu heiðarbýli sem er að hluta til endurbyggt og gefur góða mynd af lífi fólks á heiðum Íslands fyrir miðja síðustu öld. Dagur 6 Laugardagur Loðmundarfjörður
Fremur erfið ganga yfir skörðin en létt á undirlendinu báðu megin um 14 km hækkun 700 m. A rather difficult hike through Kækjuskörð pass 772 m but easy walking on both ends.. 14 km Traverses 800 m of elevation. Ferðalangar sóttir í Húsavíkurskála og ekið inn að Seljamýri þar sem lagt verður upp í göngu dagsins um hlaðið á Klyppstað og upp Hraundal áleiðis að Kækjuskörðum. Í Kækjuskörðum er ægifagurt útsýni um Austfirði og víðsýnt til allra átta. Gengið niður Kækjudalur að Þverárbrú þar sem ferðlöngum er ekið til Borgarfjarðar. Dagur 7 Sunnudagur Stórurð
(Nokkuð erfið yfirferðar en létt inn á milli um 16 km löng . Hækkun um 500 m) Eftir akstur upp í Vatnsskarð er gengið sem leið liggur um Geldingafjall með ægifögru útsýni yfir Héraðsflóa, Fljótsdalshérað og inn til Snæfells og Vatnajökuls, þaðan undir Súlum þar til opnast útsýni yfir Stórurð. Gengið er niður í Stórurð sem erfitt er að lýsa með orðum svo stórfengleg er náttúrufegurð hennar. Það er ekkert launungarmál að þarna er á ferðinni eitt best varðveitta leyndarmál náttúru Íslands. Úr Stórurð er síðan venjulega gengið undir Dyrfjöllum til Borgarfjarðar þar sem tröllvaxtnir hamrar Dyrfjallanna varða leiðina en einnig er möguleiki að ganga styttri leið undir Rjúpnafelli áleiðis að veginum uppfrá Unaósi til Vatnsskarðs. Ferðaáætlun getur breyst á milli daga vegna veðurfars eða annarra ytri aðstæðna sem ekki verður ráðið við. 
|
• Sjóstangveiði
